THORNTON AD 050 kalkulu erregela
Deskribapena
Zenbakizko hamaika eskala inprimatuta dauzkan plastikozko kalkulu erregela da, eta aukera ematen du eragiketa aritmetiko konplexuak egiteko, hala nola biderketak, zatiketak, erro karratuak eta kubikoak, eragiketa trigonometrikoak, e.a. Hiru pieza dauzka: erregela izeneko gorputza, erdiko beheragunearekin, horretan kokatuta dagoen ezaugarri bereko erregela mugikor bat, erregelatxo izenekoa, eta plastikozko pieza garden bat, dialarekin, alboko bi ildaskari edo kurtsoreari lotzen zaiena eta emaitzak irakurtzeko balio duena. (Ingalaterra, 1967)
- Izena
- THORNTON AD 050 kalkulu erregela
- Medidas
- 36 x 5 x 1,2 CM
- Pisua
- 100 gr.
- Piezaren historia
-
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1967
- Materiala
- Plastikoa
- Izenpea edo marka
-
THORNTON
- Inskripzioa
-
Aurreko aldean: BRITHIS THORNTON AD 050 LOG LOG / MADE IN ENGLAND
- Jatorria
- Aldi baterako lagapena - bilduma partikularra
- Erabilera / Funtzioa
-
Kalkulu teknikoko erregela honek hamaika eskala dauzka, eta horiek eragiketa aritmetiko konplexuak egitea ahalbidetzen dute.
Aurrealdeko eskalak hauek dira:
- Erregelaren goiko aldean:eskala esponentzialak (LL2, LL3), eskala logaritmikoa (L) eta eskala koadratikoa (A).
- Erregelatxoan: eskala koadratikoa (B), C-ren elkarrekiko eskala (CI) eta oinarrizko eskala (C).
- Beheko aldean: oinarrizko eskala (D), sinuen eskala (S) eta angelu txikien eskala (ST) eta tangenteen eskala (T).
