ARISTO Nr. 867U kalkulu erregela
Deskribapena
Darmstadt sistema darabilen kalkulu teknikoko erregela. Plastikoz egina dago, eta eskalak ditu inprimatuta. Hiru pieza ditu: batetik, zentzu hertsian gorputza dena, erregela deritzona; bestetik, erregelatxoa, erregelaren barruan, erdiko beheragunean, desplazatzen dena; eta, hirugarrenik, kurtsorea, plastiko gardeneko pieza dialduna, alboko bi ildoetara egokitzen dena, bost irakurketa trazu dituena eta eskalen gainean irristatzen dena. (Alemania, 1961)
- Izena
- ARISTO Nr. 867U kalkulu erregela
- Medidas
- 16 x 4,5 x 0,6 cm
- Pisua
- 25 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1961
- Materiala
- Plastikoa
- Izenpea edo marka
ARISTO
- Inskripzioa
Aurreko aldean: ARISTO / Nr. 867U
Atzeko aldean: ARISTO - DASMSTADT DENNERT & PAPE HAMBURG
- Jatorria
- Aldi baterako lagapena - bilduma partikularra
- Erabilera / Funtzioa
Darmstadt sistema darabilen kalkulu teknikoko erregela. Eskala logaritmikoen bidez, matematikarekin eta haren aplikazioekin lotutako kalkulu guztiak egin daitezke, baina ez du eskala berezirik kalkulu komertzialak egiteko, helburu nautikoetarako, zementu armatuzko eraikuntzetarako eta antzekoetarako. Eskalak hiru bandatan daude, eta erdikoa mugikorra da. Hirurak elkarren artean konbinatuz egiten da kalkulua, kurtsore mugikor baten bidez.
Goiko aldean, 15 cm-ko erregela bat du; beheko aldean, berriz, 01:40 eskalako erregela.
Aurrealdeko eskalak hauek dira:
- Goiko aldean: eskala kubikoa (X3) eta eskala koadratikoa (X2).
- Erregelatxoan: eskala koadratikoa (X 2/z), B-ren elkarrekiko eskala (X 1/2), C-ren elkarrekiko eskala (1/x) eta oinarrizko eskala (Xz).
- Beheko aldean: oinarrizko eskala (X), eskala pitagorikoa (P), sinuen eta tangenteen eskalak.
- Erregelatxoan, atzealdean: eskala logaritmikoak (lgx) eta esponentzialak (e0,01x, e0,1x eta ex).
