FULLER KALKULU ERREGELA
Deskribapena
Plastikozko zilindroa, zurezko imitazioz bukatua, kirtenduna, taulak dituen paper inprimatuaz forratua. Oinarriaren gainean, torlojuz, fabrikatzailearen markak dituen metalezko orratz bat dago lotuta, eta beste muturrean, eskala grabatua daukan erregela metalikoa. Oinarri honen gainean sartua, larruzko beste zilindro bat dago, barrutik feltroz forratua (mugitu ahal izateko barneko zilindroa kaltetu gabe), kanpoan paper inprimatua duela.
- Izena
- FULLER KALKULU ERREGELA
- Medidas
- 45 cm x 9 Ø (kirtena barne)
- Piezaren historia
Prados irakaslearen bilduma partikularrekoa da, eta aldi baterako Nafarroako Unibertsitate Publikoari utzi dio.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1938
- Materiala
- Metala, Papera, Zura
- Izenpea edo marka
FULLER
- Inskripzioa
-
Grabado, FULLER CALCULATOR – MADE IN ENGLAND
- Jatorria
- Aldi baterako lagapena - bilduma partikularra
- Erabilera / Funtzioa
Kalkulu erregela zilindrikoa, merkataritza mailako oinarrizko kalkulu aritmetikoak egiteko. Hainbat elementu dauzka, elkarrekin konbinatuz eragiketa hauek egiteko:
- Kanpoko zilindro mugikorra (mugimendu birakaria eta bertikala), eskala logaritmiko kiribil bat daukana.
- Barneko zilindro finkoa, baliokidetza-taulekin sistema hamartarretik neurri britaniar hauetara bihurtzeko: luzera-neurrietara (hazbeteak eta oinak), pisu-neurrietara (laurdenak, ontzak eta librak kintaletan eta libretan), monetetara (librak, txelinak eta penikeak, libratan eta txelinetan), urteko egunak, hektarearen azpiunitateak, metal eta zuren ezaugarriak, minutuak graduetan, Birmingham kablearen kalibrea, hainbat bihurketa-faktore eta sinu naturalak.
- Kurtsore finko bat, oinarrian ainguratua.
- Beste kurtsore finko bat parte berdineko eskalarekin, estalkian ainguratua, logaritmoak bilatzeko.
