FABER CASTELL 3/31 Statique kalkulu erregela
Deskribapena
Hormigoi armatuko kalkulu erregela interesgarrienetakoa eta bakana. Egituren ingeniarientzat sortu zuten, hormigoi armatuko edozein sekzio mota tentsio onargarriaren metodoa erabiliz kalkulatzeko eta egiaztatzeko tresna bikain bat izan zezaten. Diseinatzeko bi kontsiderazioetarako, erabakigarriak izan ziren:
1. Arrazoi zientifikoetan soil-soilik oinarritutako doitasun lanabes bat sortzea, praktikan azaltzen diren behar guztiak (doitasuna, argitasuna eta erabilerraztasuna) asetzeko.
2. Ertz zuzena eraikitzea, halako moldez non altzairu tentsio orotarako erabiltzeko modukoa izango den.
Altzairu eta hormigoi tentsioen arteko erlazioan oinarritzen da, altzairu tentsio ororekin lan egin daiteke, eta ez da zertan irristailua edota kurtsorea ordeztu.
Kalkulu erregela artikulatua da, zur laminatuzkoa, eta zeluloidez egindako zenbait eskala ditu. Egitura finko bat du, erdiko erregelatxo mugikor bat, eta plastikozko bi kurtsore mugikor. Atzeko aldean, zenbait taula ditu paperean inprimatuta. (Alemania, 1959)
- Izena
- FABER CASTELL 3/31 Statique kalkulu erregela
- Medidas
- 28 x 3,12 x 0,9 cm
- Pisua
- 86 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1959
- Materiala
- Zura - plastikoa
- Izenpea edo marka
FABER CASTELL
- Inskripzioa
-
Aurrealdeko albo batean: CASTELL. Erregelaren artekaren barruan: A.W. FABER 3/31 STATIKE / MADE IN GERMANY
- Jatorria
- Aldi baterako lagapena - bilduma partikularra
- Erabilera / Funtzioa
-
Diapositiba erregela normal batek (Rietzen sistemakoak) dituen abantailez gainera, hormigoizko eraikinetako arazoak konpontzeko balio du, taula berezirik erabili beharrik gabe. Hormigoi armatuzko sekzioak kalkula daitezke, baita edozein konpresio sinple ere, altzairu eta hormigoi tentsio orotarako (azkenekoa 40 eta 120 kg/cm2-ren artekoa).
Eskala normalak ez ezik, hauek ere baditu: eskala koadratikoak (A) eta (B), elkarrekiko eskala (CI), oinarrizko eskalak (C eta D), eta hormigoi armatuan x inflexo dena erabiltzeko sekzioak kalkulatzeko eskala bereziak.
Beheko aldean: eskala kubikoa (K) eta logaritmoen eskala dezimala.
Erregelatxoaren atzeko aldean: sinuen ohiko eskalak (S), trigonometrikoak (ST eta T), eskala bereziak eta Mu ω eskala hormigoi armatuzko sekzioak kalkulatzeko. Irristailuaren barneko artekak b: b0 eskala bereziak ditu, habeak T-ra murrizteko erreaktiboaren zabalerarako kalkulu faktorea zehazteko.
