ARISTO Hyperbolog Nr. 0971 kalkulu erregela
Deskribapena
Darmstadt sistema darabilen kalkulu teknikoko erregela. Plastikoz egina dago, eta eskalak ditu inprimatuta. Hiru pieza ditu: batetik, zentzu hertsian gorputza dena, erregela deritzona; bestetik, erregelatxoa, erregelaren barruan, erdiko beheragunean, desplazatzen dena; eta, hirugarrenik, kurtsorea, plastiko gardeneko pieza dialduna, alboko bi ildoetara egokitzen dena, bost irakurketa trazu dituena eta eskalen gainean irristatzen dena. (Alemania, 1954)
- Izena
- ARISTO Hyperbolog Nr. 0971 kalkulu erregela
- Medidas
- 34 x 5 x 0,8 cm.
- Pisua
- 100 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1954
- Materiala
- Plastikoa
- Izenpea edo marka
ARISTO
- Inskripzioa
Aurreko aldean: ARISTO - HYOERBOLOG / DBGM / KW - ARISTO
Atzeko aldean: ARISTO / Nr 0971 / MADE IN GERMANY / ARISTO
- Jatorria
- Aldi baterako lagapena - bilduma partikularra
- Erabilera / Funtzioa
Darmstadt sistema darabilen kalkulu teknikoko erregela. Eskala logaritmikoen bidez, matematikarekin eta haren aplikazioekin lotutako kalkulu guztiak egin daitezke. Sinu hiperbolikoko eskalez eta hiperbola, sinu eta tangente funtzioez gainera, kosinu hiperbolikoko eskala bat eta bi eskala hiperboliko ditu. Funtzio angeluarreko eskalak eskala pitagorikoarekin zabaldu dira. Eskalak hiru bandatan daude, eta erdikoa mugikorra da. Hirurak elkarren artean konbinatuz egiten da kalkulua, kurtsore mugikor baten bidez.
Aurreko aldean:
- Gorputzaren goiko aldean: eskala esponentzialak (LL01, LL02, LL03), ∏-ren bidez desplazatutako oinarrizko eskala (DF).
- Erregelatxoan: ∏CF-ren bidez desplazatutako oinarrizko eskala, CF-ren elkarrekiko eskala, mantisen eskala (L), C-ren elkarrekiko eskala (CI) eta oinarrizko eskala (C).
- Erregelaren beheko aldean: oinarrizko eskala (D), eskala esponentzialak (LL3, LL2, LL1).
Atzeko aldean:
- Gorputzaren goiko aldean: tangente hiperbolikoak (Th), eskala kubikoa (K), karratuen eskala (A).
- Erregelatxoan: karratuen eskala (B), tangenteen eta kotangenteen eskala (T), angelu txikien eskala (ST), sinuen eta kosinuen eskala (S), oinarrizko eskala (C).
- Gorputzaren beheko aldean: oinarrizko eskala (D), D-ren elkarrekiko eskala (DI), sinu hiperbolikoak (Sh2, Sh1).
